A FAVOR


Podernos enfrontar ós clubes da ARC a verdade que é outro aliciente e outra motivación para afrontar unha tempada que cando nos demos conta xa está empezada. Poder medirnos ós clubes cántabros e vascos supón un plus para tódolos remeiros da LGT.

Ata o de agora soamente os primeiros clasificados da nosa liga tiñan ocasión de vivir esta experiencia, ben no play-off de ascenso á ACT ou ben na clasificatoria da Concha, e o resto de clubes tiñamos que quedarnos coas gañas. Esta iniciativa, que aplaudo, vai permitir darlle outro atractivo por si ás dúas Ligas e van facer que maduren e teñan identidade propia.

Se se fai ben, coa cabeza e co corazón, esta regata pódese convertir nun referente no mundo das traiñeiras, que reúna a moita xente e moi apetitosa para moitas cidades para promocionarse turisticamente. A nivel deportivo suporá un enfrontamento previo dos candidatos ó ascenso, o que lles permitirá non ir a cegas ó play-off. E para o resto de clubes será unha festa deportiva, unha forma de medirse ós seus homólogos da outra liga e disipar calquer tipo de dúbidas sobre o seu nivel deportivo fronte ó deles.

EN CONTRA


Máis ben que estar en contra o que estou e con moitas dúbidas de como se fará:

- As datas: os calendarios xa son apretados e meter un fin de semana máis vainos apretar aínda máis. A parte disto, hai que determinar cal é a data máis axeitada se a principio de tempada, a metade ou a final... como din os da Ría de Arousa: "todo tén o seu áquel".

- Os participantes: Non está nada claro quen vai participar, se o farán soamente os da LGT A ou se tamén os da B. Cais son os criterios que se van a establecer para participar nesta regata? Gustaríame entender que tódolos clubes indiferentemente da Liga na que participen teñen opcións de asistir a esa regata.

- Financiación: Se xa é complicado atopar un bo patrocinador para unha Liga coa proxección mediática da LGT supoño que para unha soa regata tampouco vai ser moi doado. E estaremos todos dacordo niso de "no money no life". O xusto sería que esta regata fose unha festa que non maltratara máis a modesta economía dos clubes.

- De tódolos xeitos non é que eu esté en contra, soamente teño moitas dúbidas e medo de como se van facer as cousas e o que debería ser unha festa non remate convertíndose nun velatorio do remo.

LGT TV


Vídeo-reportaje Amegrove Club de Remo


LGT nos Medios

Colaboran