cabecera-cabo-tempada-2016

HISTORIACONTACTOPLANTILLADIRECTIVAPATROCINADORESTRAIÑEIRA

O Club de Remo Cabo da Cruz fúndase no ano 1979, nese mesmo ano iníciase a construción do que a posteriori sería a súa sede social e onde seguen a estar a día de hoxe as súas instalacións. É durante a tempada 80 cando o club se inicia no mundo da competición, e durante dez anos será un dos referentes do remo galego.

Durante os seus primeiros anos de vida a traíña é a embarcación por excelencia á que o club dedica todos os seus esforzos. O club asiste ao nacemento de moitas bandeiras do antigo calendario de remo, tales como: a bandeira Conde de Fenosa, a Xunta de Galicia, a Deputación de A Coruña, a bandeira de El Corte Ingles, ou a Teresa Herrera, algunha das cales aínda se seguen a celebrar a día de hoxe, e consegue inscribir o seu nome entre os vencedores.

A finais de 1993 a directiva da entidade fai unha formulación máis completa do fomento da canteira a través dun convenio subscrito co Concello de Boiro o que dará lugar á Escola Municipal de Remo. Prepárase un proxecto de adecuación e mellora das instalacións e prográmase a renovación das embarcacións para adaptarse ás necesidades da competición.

Os resultados deste proxecto están a dar os seus froitos dende o ano 1998, cando o club comeza a colleitar excelentes resultados nas categorías inferiores, ben en campionatos galegos, ben en campionatos estatais, obtendo en bateis e trainerillas numerosas medallas.

O 2003 vai pasar á historia do Club de Remo Cabo da Cruz porque é cando se constitúe a Liga ACT, da cal, Cabo forma parte durante seis anos consecutivos, tendo que renunciar a participar nela no ano 2009 debido á imposibilidade de afrontar económica e deportivamente unha tempada tan esixente. Dende o ano 2009 até a 2013 competiu na Liga Galega de Traiñeiras, conseguindo o título de campión no ano 2009.

Na tempada 2013 convirtese no primeiro club de Galicia en participar con dous equipos masculinos na Liga Galega de Traiñeiras, un dos cales consegueu o ascenso a Liga ACT, ademais de participar con un equipo na Liga Galega de Traiñeiras Feminina.

DIRECCIÓN: Lgar. Porto de Cabo de Cruz. 15939, Boiro (A Coruña)

696 678 443 / crcabo@gmail.com / CR Cabo de Cruz

José Mario Vidal Gómez
Presidente
Marcelino Benito Díaz Oliveira
Vicepresidente
Ismael Romero Saborido
Secretario
Daniel Váquez Dieste
Tesorero
maqueta-cabo-boiro-sin-nombre