HISTORIACONTACTOPLANTILLADIRECTIVAPATROCINADORESTRAIÑEIRA

O Club de Remo Cedeira é unha entidade sen ánimo de lucro constituida no ano 1960, coa finalidade de promocionar o deporte en xeral e o remo en particular. Hai que dicir que o remo, como actividade deportiva, está arraigado nesta vila mariñeira dende moitos anos atrás da existencia deste clube.

Nos comezos da entidade, a vila contaba con dous clubes, o Club de Remo Cofradia de Pescadores e o Club de Remo Cedeira. Isto durou un curto período de tempo, desaparecendo o Cofradía de Pescadores e quedando o Club de Remo Cedeira como representante do pobo nesta fermosa disciplina deportiva.

Dende os seus comezos, no Club praticáronse sempre as dúas modalidades deportivas existentes, o banco fixo e o remo olímpico, sendo esta última modalidade na que máis destacou o Club ao longo da súa historia, contando dentro das súas filas con varios remeiros internacionais, récords de España de Remoergómetro e gran cantidade de medallas en Campeonatos Nacionais. Tampouco podemos esquecer o papel do club no banco fixo, contando tamén con medallas a nivel nacional tanto en batel como en traineriña.

Na actualidade, a disciplina do remo olímpico está destinada as categorías de base do Club, namentres o banco fixo é practicado polas categorías absolutas.

Durante a tempada 2017, participaremos por primeira vez nunha liga de traiñeiras engrosando o currículo desta modesta entidade deportiva con máis de medio século de historia.

DIRECCIÓN: Rúa Area Longa, s/n, 15350, Cedeira (A Coruña).

652 894 808 / clubremocedeira@yahoo.es Club De Remo Cedeira

 
José Mª Hermida
Presidente
Ángel Cardamas
Vicepresidente
Silvia Fraguela
Secretaria